Гуырдзыстоны æмæ гуырдзиæгты интерестæн ницы бастдзинад ис уыцы адæймæгтæм, кæцытæ бæстæйы ныхмæ расидæнтæ аразынц – уый фæдыл Тбилисы мэр Каха Къаладзе расидтис.

Каха Къаладзе Голландийы парламенты æттаг хъуыдтæгты комитеты «Трансперенси Интернешнл Гуырдзыстоны» директор Эка Гигаурийы ныхасы фæдыл коментар сарæзта.

«Ацы адæймæгтæ сты нымæцон агенттæ æмæ гадзрахатæй цæуджытæ. Мах иууылдæр зонæм, куыд кусы ацы системæ, уыдон финансгонд цæуынц бæстæйы æддейæ, цæмæй лæггад кæной сæ хицæуттæн æмæ уой гадзрахатæй цæуджытæ. Никæмæн диссаг у, бæстæйы ныхмæ расидæнтæ кæй кæнынц, кæм домынц визæты либерализацийы æруромын, кæм та Евроцæдисы уæнгмæ кандидаты статус скусын кæнын æмæ æнд. ацыдысты Брюссельмæ, зилынц офистæм æмæ нæ бамбæхстой, ацы хъуыддагыл кæй æнувыд сты, уый.

Адæм иттæг хорз уынынц æмæ аргъ кæнынц, чи кæмæн лæггад кæны, уый. Иу хъуыддаг бæрæг у – ацы адæймæгтæн ницы бастдзинад ис Гуырдзыстонимæ æмæ гуырдзиæгты интерестæм», – банысан кодта сæйраг сахары мэр.

Голландийы парламенты æттаг хъуыдтæгты комитеты раныхас кæнгæйæ, «Трансперенси Интернешнл Гуырдзыстоны» директор Эка Гигаури расидтис, цæмæй Гуырдзыстонæн хъæуы активон æххуыс ныгуылæнæй уырыссаг æндæвдады ныхмæ тохы.

«Абон Гуырдзыстоны фарсылхæцындзинад нысан кæны æрмæст æмзæрдæдзинад равдисын нæ, фæлæ ма активонæй æххуыс кæнын уыцы къордтæн, кæцытæ сты баст бынатыл ныхмæлæуды процессы. Махæн уый у тох Уæрæсейы æндæвдады ныхмæ æмæ Гуырдзыстоны европæйаг фидæнæн. Уый нысан кæны, цæмæй Гуырдзыстон хъуамæ суа æууæнкджын партнер Ныгуылæнæн Хуссар Кавказы æмæ Сау Денджызы регионы æмæ хайад райса Европæйы æмæ дунеон æдасдзинад сифтонг кæныны», -расидтис Эгаури Гига.