Сæйраг сахары мэр Каха Къаладзейы ныхасмæ гæсгæ, информаци, цæмæй Прагæйы æмбæстагон æхсæнады центры лидертæй иу Игорь Блажевич оппозицийæн революцион сценарий фыссы, ног нæу.

Тбилисы мэр темæйы фæдыл медийы коментари куыд расидтис, афтæмæй бирæ азты дæргъы, æддагон тыхтæ æндæр æмæ æндæр методтæй спайда кæнгæйæ, Гуырдзыстоны паддзахадон фæфæлдæхт сорганизаци кæнынмæ хъавынц. Сæйраг уый у, æмæ бæстæйы цæрджытæ раст анализ кæной.

«Нæ хъуамæ дис кæнæм.Мах зонæм, цавæр ахаст ис Гуырдзыстонмæ – бирæ азты дæргъы, бирæ æхца бахардз кодтой, цæмæй æддагон къуылымпыйы руаджы сорганизаци кæной паддзахадон змæлд, æхсæнад кæрæдзийы ныхмæ сæвæрой, поляризаци фæарфдæр кæной.Уыдон нырма дæр нæ лæууынц.Фыццаг рæстæджы уыдон æххæст кодтой Хакерманы чиныг æмæ æддагон амынддзинæдтæ.

Революцийы фæлварæнтæ бирæ федтам, фæлæ нæ бæстæйы цæрджыты фылдæр хай хорз анализ кæнынц, цавæр процесстæ цæуы, чи у нæ бæстæйы æцæг знаг. Цы интерестæ йын ис Гуырдзыстонмæ ахасты. Уымæ гæсгæ, иттæг нысаниуæгджын у, цæмæй бæстæйы цæрджытæ лæмбынæгæй хъус дарой процесстæм æмæ сын уа раст информаци», – расидтис Каха Къаладзе.

Уый фæдыл информаци Тбилисы мерийы пресс-куыст парахат кæны.