ЮНЕСКО бахаста «Гуырдзыстоны мæнæуы культурæ: традицитæ æмæ ритуалтæ» адæймагады æнæматериалон культурон бынты минæвæртты номхыгъдмæ. Уый фæдыл Гуырдзыстоны культурæйы министрад расидтис.

Сæ ныхæстæм гæсгæ, уынаффæ хаст æрцыд Нью-Делийы уагъдцæуæг ЮНЕСКО-йы æнæматериалон культурон бынтæ бахъахъхъæныны фæдыл æхсæнхицауадон комитеты 20-æм сессийы.

«ЮНЕСКО-йы уынаффæ мæнæуимæ баст традицитæ æмæ ритуалтæ банымайыны тыххæй у æхсæнадæмон аргъ кæнын гуырдзиаг адæмы æнусон фæллой, зонындзинæдтæ æмæ практикæйæн; акцент гуырдзиаг эндемикон хуызты нысаниуæгыл; монон æмæ материалон культурæйы кæрæдзийыл бастдзинады фидар кæнын æмæ фидæны фæлтæртæн ныфс бавæрын, цæмæй ацы «æнæматериалон» культурон æмæ культурон элементты цæрæнбон хъахъхъæд æрцæуа Уый фæдыл Культурæйы министрады расидæны ис фыст.

Æнæматериалон культурон бынты цырт – «Гуырдзыстоны мæнæуы культурæ: традицитæ æмæ ритуалтæ» Гуырдзыстоны хицауады 2024 азы 27-æм марты 98-æм уынаффæйæ лæвæрд æрцыд националон нысаниуæджы категори.

Культурæйы министрады информацимæ гæсгæ, 2024-æм азы 28-æм марты ЮНЕСКО-йы адæймагдзинады æнæматериалон культурон бынтæ бахъахъхъæныны минæвæртты номхыгъдмæ Гуырдзыстон цы номинаци бавдыста, уый æнтыстджынæй ахызт æркæсыны алы этап.