«Энергоатом»  Запорожьейы  атомон электростанцæйыл авариайы  цауы  радиацион  æврагъ ахæлиуы  прогноз  æрцæттæ кодта.

Информаци публикаци кæны «ВВС».

Украинаг  компанийы прогнозæй,   Запорожьейы   атомон  электростанæйы æхсæзæм энергоблокъы  аварийы  цауы,  радиацион æврагъ   Украинайы  хуссар æмæ Уæрæсейы   хуссар скæсæн хæйтты ахæлиу уыдзæн. Компанийы   ахæм прогноз  29  августы  уæлдæфы   массæты   змæлды   æрдæмадты æмæ  тагъдадыл   æнцойæ  сарызтой.

Медиафæрæз куыд фыссы афтæмæй,   уавæр  станцæйыл   фæстаг цалдæр къуыри у,  фæкарз ис   бомбæкалды æмæ  тæккæ атомон   объекты территорийыл  уырыссаг   æфсæдды  уæвыны  тыххæй.   Атомон   энергийы   æхсæнадæмон   агентад, уавæр раирд кæныны  нысанæн, станцæмæ  мисси  арвитын архайы.

Украинайы фæсарæн хъуыддæгты министр Дмитро Кулеба райхъусын кодта, цæмæй  уырыссаг  æфсæддæ  куыд гæнæн ис афтæ тагъд   хъуамæ ныууадзæт  Запорожьейы   электростанцæйы территори, уымæн æмæ   сæ  уæвын  станцæйы  тæссаг   у  æппæт   континентæн.

«Дæсгай азсты дæргъы.,  атомон   æдасдзинад  Украинайы  сæйраг приоритет уыд, сæрмагондæй та  нæ трагикон ивгъуыды тыххæй. Уырыссаг тыхæйисджытæ  Запорожьейы   атомон  электростанцæ  æфсæддон базæйæ  скодтой æмæ  рискы раз рлæууын кодтой  æнæхъæн  контитнент.  Уырыссаг æфсæддæ хъуамæ  ныууадзой  станцæ.  Уым сæ бынат нæй» –  фыссы Кулеба «Твиттеры».