Украинайы   президент Володимир Зеленски  Запорожьемæ ныццыд  æмæ атомон  энергийы   æхсæнадæмон  агентады къухдариуæггæнæгимæ  фембæлдис.  Уый фæдыл  информаци   атомон   энергийы  æхсæнадæмон  агентады   директор Рафаел   Гросси   «Твиттеры» сæрмагонд  фарсыл   фыссы.

«Фембæлдтæн   Володимир Зеленскиимæ абон, Запорожьейы, цы  ран  баивдтам  архайæг  хъуыдытæ  Запорожьейы   атомон   станцæйы  æмæ йæ   персоналы  хъахъъæд фарстайы фæдыл.  Сбæлвырд кодтон  цæмæй  Атомон Энергийы  Æхсæнадæмон   Агентад  йæ  фарс дары  Украинайы  атомон  объекттæн», –  фыссы     Рафаэл Гросси.

Зеленски  æмæ Гросси  сæ цæст иумæ ахастой   Днепры  гидроэлектростанцæйыл.

Уæдмæ   Украинайы  президент    фронты  хаххы  уыд æмæ украинаг  æфсæддæттимæ фембæлдис. Уый   цалдæр  украинаг  æфсæддоны   схорзæхджын кодта.