Тбилисы атомон энергийы æхсæнадæмон агентады (IAEA) регионалон фембæлд цæуы, кæцыйы хайад исынц 22 бæстæйы минæвæрттæ, се æхсæн Гуырдзыстон дæр.

Гуырдзыстоны алфæмблайы хъахъæды æмæ хъæууон хæдзарады министрады ядерон æмæ радиацион æдасдзинады агентады минæвары ныхасмæ гæсгæ, фембæлды нысан у фæлтæрддзинадæй дих кæнын, практикон æрбаввахсдзинадыл æруынаффæ кæнын æмæ хайадисæг бæстæты æхсæн æмкуыстдзинад фæарфдæр кæнын. Уый ахъаз уыдзæн æнæнхъæлæджы уавæртæм эффективон цæттæдзинад æмæ реагирдзинады гæнæнтæ фæтыхджындæр кæнынæн.

Мадзалы къухдариуæг кæнынц Атомон энергийы æхсæнадæмон агентады эксперттæ, кæцытæ хайадисджыты базонгæ кæндзысты дунеон стандарттимæ æмæ æнæнхъæлæджы уавæрты управленийы практикон механизмтимæ.

Фембæлдыл æруынаффæ кæндзысты тæссагдзинады аргълæвæрды фарстатæ, реагирдзинады пълантæ æмæ процедурæтæ, цæрджыты хъахъхъæды мадзæлттæ, мониторинг æмæ уæлвæткон уавæрты рæстæджы æхсæнадимæ эффективон коммуникацийы фæдыл.

Алфæмблайы æмæ хъæууон хæдзарады министрады куыд банысан кодтой, афтæмæй регионалон фембæлд нысаниуæгджын у фæлтæрддзинад, зонындзинæдтæ æмæ хуыздæр практикæтæ дих кæнынæн, кæцы ахъаз кæны æдасдзинады системæты фæтыхджындæр кæнынæн æмæ регионы эффективон реагирдзинады гæнæнтæ рæзын кæнынæн.

Æхсæнадæмон атомон энергийы агентады (IAEA) регионалон фембæлдтæ уагъд цæуынц регулярон æмæ сæ нысан у уæнг бæстæты æхсæн æмгуыстад фæарфдæр кæнын, фæлтæрддзинад æмæ хуыздæр практикæтæ дих кæнын. Фембæлдты ауадзыны бынат æвзæрст цæуы хайадисæг бæстæты бадзырдмæ æмæ уагдоны приоритеттæм гæсгæ, кæцы æндæр æмæ æндæр паддзахадтæн дæтты мадзалы фысым кæныны фадат.

«Ацы фембæлдтытæ сты ахсджиаг фæзуат профессионалон зонындзинæдтæ, техникон фæлтæрддзинад æмæ регионалон æмархайд фæтыхджындæр кæнынæн», — загътой алфамбылай æмæ хъæууон хæдзарады министрады.