АИШ-ы минæварад публикаци кæны АИШ-ы паддзахадон департаменты расидæн Гуырдзыстоны хицауады уæнгтимæ фембæлдты фæдыл, паддзахадон департаменты минæвæрдты Гуырдзыстонмæ визиты рæстæджы.

Расидæны куыд банысангонд у, афтæмæй 25-28 майы АИШ-ы делегаци Тбилисы премьер-министр Ираклий Къобахидзе, вице-премьертæ Мака Бочъоришвили, Мамука Мдинарадзе æмæ хицауады æндæр бæрнонтимæ фембæлд дыууæфарсон ахастыты фæхуыздæр кæныны фидæны фæндагыл.

«Делегаци Гуырдзыстоны хицауадæн фехъусын кодта Трампы администрацийы цæттæдзинад конструктивон, фидæны ахастытæм æмæ йæ интерес суверенон партнерты æхсæн дывæрсыг ахастыты ног фазæ райдайынмæ, кæцы бындуриуæг кæны кæрæдзийæн кад кæнын, иумæйаг интерестæ æмæ æргом диалогыл.

Фарсытæ æруынаффæ кодтой АИШ æмæ Гуырдзыстоны æхсæн потенциалон конвергенцийы фадгуытыл, се æхсæн: националон суверенитеты иумæйаг хæс, рæстадон экономикон уавæр, зианхæссæг æддагон æндæвдады ныхмæ фидардзинад æмæ дыууæ бæстæйы дæр бæрæггæнæг бындурон аргъдзинæдтыл. Ацы æрбаввахсдзинад дæтты фидар бындур арфдæр партнерады æрдæм размæ цæуынæн», — дзырдæуы хъусинаджы.

Делегаци бахахх кодта АИШ-ы интерес Гуырдзыстонимæ коммерцион æмкуысткæнынад фæуæрæхдæр кæнынмæ, дзырдæуы хъусинаджы.

«Сæ æхсæн: америкаг товартæм æмæ инвестицитæм фылдæр бацæуæн сифтонг кæнын æмæ æдасдзинад æмæ энергетикæйы сферæты æмкуыстдзинады фæарфдæр кæнын.Æнæфæцудгæ стратегион партнердзинадæн хъæудзæн дарддæргонд прогресс уыцы уавæрты сифтонг кæнынæн, кæцытæ Гуырдзыстоны æууæнкджын партнер кæнынц, се æхсæн америкаг бизнесæн æмбæлон бизнес-æрдзон уавæр æмæ стабилон мидполитикон климат, кæцы разæнгард кæны оппозицийы æрбангом кæнын. нæ къухы бафтдзæн ацы нысан.

АИШ æнхъæлмæ кæсы Гуырдзыстоны хицауадимæ иумæ ахæм партнердзинады фæдыл бакусынмæ, кæцы дыууæ бæстæйæн дæр æрхæсдзæн æнкъарæн пайда æмæ æххæстæй реализаци кæндзæн нæ дыууæфарсон ахастыты потенциал» -ис фыст Гуырдзыстоны АИШ-ы минæварады рапарахатгонд расидæны.

АИШ-ы минæварад афтæ дæр парахат кæны паддзахадон департаменты делегацийы расидæн Гуырдзыстоны оппозицион партиты лидертимæ фембæлды фæдыл.