Тбилисы мэр Каха Къаладзе, кæцы Миланы визитæй у, йæ миланаг коллегæ Джузеппе Салаимæ фембæлд. Тбилисы мэрийы информацийæ, фарсытæ дыууæ бæстæйы æхсæн ахастытæ æмæ æндæр æмæ æндæр здæхтыты Тбилис æмæ Миланы æхсæн æмкуыстдзинад фæарфдæр кæныны перспективæтыл фæныхас кодтой.

Ныхас баххæсыд Миланы Гуырдзыстоны генералон консулады байгомыл, кæцы мэрты хъуыдымæ гæсгæ ахъаз уыдзæн дыууæ бæстæйы æмæ горæтты ‘хсæн ноджы æнгомдæр æмахастыты сырæзтæн.

Каха Къаладзе Джузеппе Салайæн йæ хъарм суазæгдзинады тыххæй бузныг расидтис æмæ йæ Гуырдзыстоны сæйраг сахармæ фæхуыдта.

«Æз дæс азы арвыстон Миланы æмæ мæ фæнды, цæмæй Тбилис дих кæна уыцы стыр фæлтæрддзинад, кæцыйæн ис Милан, куыд Европæйы раззагдæр горæт. Махæн Тбилисы ис бирæ ногдзинæдтæ. Æххæст кодтам къорд проекттæ æндæр æмæ æндæр здæхтыты æмæ нæ размæ ис бынтон амбициозон плантæ. Фæнды мæ ацы фадатæй спайда кæнон æмæ уæ æрбахонон нæ рæсугъд сæйраг сахармæ, кæцыйыл, мæнмæ гæсгæ, уын уыдзæн стыр тæлмæнтæ», – загъта Каладзе.

Тбилисы мэрийы информацимæ гæсгæ, Миланы мэр Каха Къаладзейæн визиты фæдыл бузныг расидтис æмæ горæтты æхсæн æмкуыстдзинады размæцыды æххæст цæттæдзинад расидтис. Уый ма æрдзырдта климаты ивддзинæдтимæ баст проблемæтыл, кæцытæ ссис стыр æвзарæн дунейы бирæ горæттæн.

«Æз цæттæ дæн æндæр æмæ æндæр здæхтыты Милан æмæ Тбилисы æхсæн æмкуыстдзинады фæарфдæр кæнынæн хайбавæрд дæн. Афтæ дæр мæ фæнды æрбавдисон бастдзинад NC40 горæтты – æппæт дунейы горæтты хызæг, кæцы климаты ивды ныхмæ тох кæны. Уый у политикон æмæ техникон хызæг, растдæр мэрты бастдзинадæн», – расидтис Джузеппе Сала.