Гуырдзыстон 2025-æм азы «Дунейы экономикон сæрибардзинад» рейтингы аст бынатæй фæбæрзонддæр ис æмæ дунейы 165 бæстæйы æхсæн 7.69 баллæй 25-æм бынат бацахста – уый фæдыл информацийы хъусын кæны экономикæйы министрад.

Министрады информацийы куыд банысангонд у афтæмæй, Гуырдзыстон фæхуыздæр кодта куыд йæ позици, афтæ рейтингы баллтæ дæр.

Минитсрады информацимæ гæсгæ, «Дунейы экономикон сæрибардзинады» индексы Гуырдзыстоны æнтыст банымайын уæлдай нысаниуæгджын у, уымæн æмæ рейтинг бæрæг кæны, цас æмвæзадыл бæстæйы политикæ æмæ институттæ адæймагæн фадат дæттынц сæхи экономикон æвзæрстытæ саразынæн.

«Рейтинг бæрæг кæны бæстæйы экономикон сæрибардзинады æмвæзад, аргъ кæны барады уæлдæрдзинад, тæрхондоны хæдбардзинад, сæрмагонд исбон хъахъхъæд, инфляци, бюрократон æлхъывдад, валютæйы стабилондзинад, бынæттон æмæ æхсæнадæмон базармæ бацæуæн æмæ æндæр характеристикæтæ.

Рейтинг «Дунейы экономикон сæрибардзинад» бæстæтæн аргъ кæны фондз сæйраг здæхты; уыдон сты хицауады бæрц, барадон системæ æмæ исбоны бартæ, æхцайы фæрæзтæм бацæуæн, æхсæнадæмон базарады сæрибардзинад æмæ регуляцитæ (кредит, фæллой æмæ бизнес).

«Дунейы экономикон сæрибардзинады» рейтингы Гуырдзыстон раздæр ис Евроцæдисы 17 уæнг бæстæйæ: Чехи, Австри, Швеци, Латви, Литва, Франц, Бельги, Словаки, Итали, Норвеги, Румыни, Хорвати, Греци, Болгари, Словени, Польшæ æмæ Венгри. Уымæй дарддæр ма, Евроцæдисы уæнгдзинадмæ алы кандидат бæстæты æхсæн (Албани, Черногори, Цæгат Македони, Молдова, Серби, Босни æмæ Герцеговинæ, Украинæ æмæ Турк) æмæ уæрæхдæр регионы бæстæты æхсæн рейтингы Гуырдзыстон æнæбары лидер у.

Рейтингы фæхуыздæр къорд позитивон факторы аххосæй у, куыд тæрхондоны хæдбардзинад, кредитон базарады эффективон регуляци, ныллæг инфляци, æмбæлон бизнес-æрдзон уавæры сырæзт æмæ æнд.

«Дунейы экономикон сæрибардзинад» арæзт æрцыд Канадæйы Фрейзеры институты æмæ Дунейы экономикон сæрибардзинады хызæджы уæнг уагдæтты хайадистæй. Рейтинг бæрæг кæны бæстæйы реализгонд политикон курсы æмæ институтты гъæд, кæцы бæстæйы экономикон сæрибардзинад бæрæг кæны. Рейтингы спайдагонд бæрæггæнæнты иу хай бындуриуæг кæны ахæм авторитетон æппæтдунеон организациты иртасæнтыл æмæ аргълæвæрдтыл, куыд Дунеон Валютон Фонд, Дунеон Банкъ, Дунейы Экономикон Форум æмæ æндæртæ», – дзырдæуы информацийы.