Гуырдзыстоны хицауад æмæ Китайы Адæмон Республикæйы хицауад сарæзтой бадзырдтæ 2017 азы 13 майы сæрибар базарады бадзырдмæ ивддзинæдтæ бахæссыны фæдыл.

Экономикæйы министрады информацимæ гæсгæ, гуырдзиаг фарсæн разамынд лæвæрдта Гуырдзыстоны экономикæйы æмæ æнæфæцудгæ рæзынады министры хæдивæг Генади Арвеладзе, китайаг делегацийы та разамынд лæвæрдта Китайы адæмон республикæйы базарады министрады æппæтдунеон базарадон организациимæ æмгуыстады департаменты хистæры хæдивæг Хань Чантянь.

“Бадзырд модернизацигонд æрцыд электронон коммерцийы, базарады техникон барьерты, санитарон æмæ фитосанитарон мадзæлтты æмæ инвестицион размæцыды сферæты. Бадзырдты рæстæджы фарсытæ баххæсыдысты сразыдзинадмæ бадзырдмæ бахæссыны ивындзинæдты сæйраг тексты фæдыл”, — банысан кодтой Гуырдзыстоны экономикæйы министрады.

Афтæ дæр хъусын кæнынц, цæмæй министрады Гуырдзыстоны уагъд мыд æмæ мæргътæ Китайы базарадмæ бауадзыны фарстыл фæныхас кодтой. Гуырдзиаг фарс тагъд рæстæджы ацы хъуыддаджы фæдыл æвæрццаг хабæрттæм æнхъæлмæ кæсы.

«Китайимæ сæрибар базарады бадзырд дыууæ бæстæйы æхсæн базарадон æмæ экономикон ахастытæ ног æмвæзадмæ систа. Æрмæст базарад нæ фæфылдæр, фæлæ ма инвестицитæ дæр стимулиргонд æрцыдысты, туризмы, æмбæстагон авиацийы æмæ æндæр секторты æвæрццаг тенденцитæ бæрæг цæуынц. Китай Гуырдзыстонæн нысаниуæгджын экономикон партнер у, æмæ сæрибар базарады бадзырд гуырдзиаг продукцийы уæйгæнджытæн гом кæны преференциалон фадæттæ Китайаг базар», — банысан кодта министры хæдивæг.

Экономикæйы министрады информацимæ гæсгæ, фарсытæ бадзырдтой, цæмæй ивындзинæдты фæдыл протокол фидæн азы фыццаг кварталы бафыст æрцæудзæн.