Гуырдзыстоны фæсарæн хъуыддæгты министр  Илиа Дарчиашвили  Турчы Республикæмæ официалон визиты фæлгæтты, горæт  Стамбулы  Турчы  Республикæйы   фæсарæн хъуыддæгты министр Мевлут Чавушогълуимæ фембæлд.

Гуырдзыстоны  фæсарæн хъуыддæгты уагдоны  информацийæ,  фембæлдыл   æвæрццаг банысан ис  дыууæ бæстæйы  стратегион   партнерад, кæцы æнтыстджынæй   рæзыбирæ æрдгæй æмæ  сæрмагонд  нысаниуæг исы дыууæ бæстæйы æмахастытæ  фæарфдæры  æмæ   регионон æмкуысткæнынады цæстæнгасæй.

«Министртæ  æвæрццаг   аргъ скодтой  Гуырдзыстон æмæ Турчы æхсæн   бæрзонд æмвæзады  цæдистæ активизацийæн.  Ноджы иу  хатт æвæрццаг аргъ скодтой  Гуырдзыстоны   премьер-министр Ираклий Гъарибашвилийы  визитæн  Турчы  Республикæмæ.  Фарсытæ   равдыстой  цæттæдзинад фидæн дæр активонæй  бакусой  бæрзонд æмвæзады  дыууæфарсон визиттæ  сыххæсты  цæстæнгасæй, ацы æрдгæй   ныхас  уыд  Турчы Республикæйы  президент Реджеб Тайип Эрдогъаны визитмæ  Гуырдзыстонмæ.

Фембæлдыл сæрмагонд хъусдард здæхт уыдис  Гуырдзыстон æмæ Турчы æхсæн  æмгуыстады  приоритетон  æрдæмадтæм, сæ нымæцы  базарадон-экономикон  цæдистæм æмæ сæ дарддæры  райрæзты   егъау потенциалмæ.

Министртæ  æхсызгонæй  банысан кодтой  бæстæты æхсæн  кæрæдзийæн фарсхæцыны  бæрзонд  æмвæзад.  Илиа Дарчиашвили  туркаг коллегæйæн   раарфæ кодта  Турчы  æрдгæй   Гуырдзыстоны  суверенитет æмæ  территорион æгасдзинадæн  хъæддых  фарсхæцыны  тыххæй, афтæ куыд   Турчы  хъæддых  позицийы тыххæй  Гуырдзыстоны æддагон политикон   приоритетæм гæсгæ.  Министртæ афæлгæстой  регионы уæвæг уавæр æдасдзинады  цæстæнгасæй.  Ацы æрдгæй  бахахх ис  Турчы тыхархайд  регионы  сабырдзинады æмæ стабилондзинад сифтонг кæныны цæстæнгасæй», –   дзырдæуы   официалон информацийы.

Æддагполитикон уагдоны хъусинагæй,  регионы  цæугæ  процесстыл  ныхасы  рæстæджы  йæхи æрдгæй  банысан ис  Гуырдзыстоны  ахсджиаг роль Хуссар Кавказы  стабилондзинад æмæ  æнæцудгæ  райрæзт ифтонгкæныны  процессы.