Гуырдзыстоны фæсарæн хъуыддæгты министр Илиа Дарчиашвили АИШ-ы паддзахадон нымæрдар Энтони Блинкенмæ фыстæг æрвиты.
«Гуырдзиаг адæмы æмæ Гуырдзыстоны хицауады номæй уын бæлвырдæй æвдисын нæ арф цыт æмæ Гуырдзыстон æмæ АИШ-ы стратегион партнерадæн иузæрдыгдзинад. Куыд базыдтам афтæмæй, АИШ-ы паддзахадон департамент рахаста уынаффæ хæдбар гуырдзиаг тæрхонон системæйы архайæг æртæ æмæ иу раздæры тæрхонгæнæджы санкцион номхыгъдмæ бахæссыны фæдыл.
Фыццаджы дæр мæ фæнды бакой уын кæнон, уыцы иттæг уæззау бындар кæцы «Гуырдзиаг Бæллицмæ» рахызт тæрхонон системæйы 2012 азы, хицауадмæ куы æрцыд уæд. Реалондзинад уыдис тынг уæззау: тæрхондон фестад прокуратурæйы дæлхайадæй æмæ авторитарон режимы репрессивон машинæйы иуæй-иу цæг уыд, 99 процентæй бæрзонддæр уыд зылынгæнæг тæрхоныскуыдты бæрæггæнæн, тæрхонмæ лæвæрд уыд 300 мин æмбæстаг, элитон коррупци уыдис куыд тæрхондоны, афтæ æндæр сферæты дæр, хицауад системон фыдракæндтæ кодта. Æнæрæстагдзинад æмæ репрессивон тæрхонон системæйы уавæрты 25 минмæ ахæццæ ис ахæстты нымæц ахæстæтты, цы ран æрфидар ис ахæстты хъизæмары æмæ æнæдаймæйгон ахасты системон практикæ. Уый фæстиуæгæн, прецедент цæмæн нæй афтæ бæрзонд уыд ахæстты мæлынады бæрæггæнæн.
Хицауадмæ «Гуырдзиаг Бæллиццы» æрбацыды фæстæ ахæстæтты, æрцахстуæвджыты нымæц – 2,5 хатты фæкъддæри, мæлынады бæрæггæнæн та дæс хатты фæкъаддæри. Уымæй уæлдай ма, хицауадмæ «Гуырдзиаг Бæллиццы» æрбацыды фæстæ æртæ хатт фæкаддæри тæрхондонæй рагагъоммæ ахсты фæдыл уынаффæты бæрæггæнæн, æртæ хатты фæкаддæри администрацион ахсты уынафæты бæрæггæнæн, фердæг ис фæдагурæн мадзæлтты куырдиæттимæ разыдзинады бæрæггæнæн, дыууын хатты фæкъаддæр ис цъындыйы фæдыл уынаффæты бæрæггæнæн, фондз хатт фæъкаддæри иварты бæрæггæнæн æмæ а.д.
Раззаг хицауады æмæ йæ тæрхонон системæйы уавæрты гуырдзиаг адæмæн Гуырдзыстоны рæстдзинад ссарын фадат нал уыд æмæ тыхыбын уыдысты, адæймаджы барты Европаг тæрхондонмæ хъаст кæнын. 2004-2012 азты Страсбургы тæрхондонмæ Гуырдзыстоны æмбæстæгты 5 416 хъаст бацыд. Абарынæн 2013-2022 азты ацы бæрæггæнæн уыд 1132. 2009-2012 азты Европаг тæрхондон уынаффæ кодта Гуырдзыстоны ныхмæ бавдыст 4000-ы онг хъаст. 2023 азы бæрæггæнæнтæй, Страсбургы тæрхондоны кастæуы Гуырзыстоны ныхмæ бавдыст 147 хъасты, кæцы Ервопæйы Советы уæнгдзинады дæргъы Гуырдзыстоны сегасдæр хуыздæр бæрæггæнæн у.
Банысан кæнын хъæуы уый æмæ раздæры хицауады периоды тæрхонон фыдгæнæгон системæйы сæйраг сфæлдисджытæ æмæ архитектортæ – МихеиЛ Саакашвили æмæ Зураб Адеишвили нæ уыдысты санкциргонд иунæг бæстæйы æрдгæй дæр, уый æддæмæ ма хъыгагæн, уыдон æнагайгæдзинады конкретон гарантитæй пайда кодтой кæнæ абон дæр пайда кæнынц.
Хицауад æнæиу хатт баздæхт Гуырдзыстоны архайæг тæрхонон системæйы критиктæм сидтæй бавдыстаиккой конкретон тæрхонон хъуыддæгтæ, кæцытæ сæ хъуыдымæ гæсгæ, æнæраст аскуыддзаг сты. Фæлæ критиктæ абоны онг иунæг ахæм хъуыддаг дæр нæ бавдыстой.
Гуырдзиаг тæрхондон, цæрджыты æмæ æхсæнадæмон иртасæнты нымад цæуы, куыд иуæй-иу сегасдæр раздзог. «IPSOS FRANCE»-ы иртасæнмæ ( тæрхонон реформæйы аргълæвæрд Гуырдзыстоны) гæсгæ, Гуырдзыстоны цæрджыты 55% хъуыды кæны, цæмæй тæрхондон у рæстаг, 52% хъуыды кæнынц цæмæй тæрхондон у æууæнкаг æмæ 51%-ы хъуыдымæ гæсгæ, тæрхондон у хæдбар. Хицауады дæсазон куысты æмæ уагъд реформæты фæстиуæгæн, Гуырдзыстон æхсæнадæмон рейтингты раздзог бынæттæ ахсы.
Иурæстæгонæй дарддæр кæны тæрхононреформæйыл кусын Венецийы Комиссиимæ иумæ уый тыххæй, цæмæй тæрхондоны хæдбарад æмæ æргомдзинад ноджы фылдæр стынг уа æмæ закъондæттынад ноджы хуыздæр суа.
Уый тыххæй дæр, ацы реалондзинадмæ гæсгæйæ, бынтон зынæмдарæн æмæ нæрайсгæ у АИШ-ы паддзахадон департаменты уынаффæ, тæрхонгæнджытæн санкцитæ сфидар кæныны фæдыл, кæцы алыгъуызон бæлвырдгæнæнтæй цух уыд публикацигонд. Ныфс дарæм, цæмæй паддзахадон департамент бавдисдзæн æмбæлгæ бæлвырдгæнæнтæ кæнæ ногæй æркæсдзæн йæ уынаффæ. Науæд та, Гуырдзыстоны паддзахады æмæ гуырдзиаг адæмы æрдгæй фæнысангонд архайд нымад цæудзæн, куыд суверенон паддзахады хæдбар тæрхонон системæйыл æлхъывд , кæцы Гуырдзыстон æмæ АИШ-ы дыууæ фарсон бирæазон хæларон ахастытæн разнаггад кæндзæн», – дзырдæуы Энтони Блинкенмæ æрвыст Илиа Дарчиашвилийы фыстæджы, кæцыйы Гуырдзыстоны фæсарæн хъуыддæгты министрад публикаци кæны.
