Гуырдзыстоны парламент АИШ-ы минæвæртты палатæйы райсгæ «MEGOBARI акты» фæдыл расидæн бацæттæ кодта.

Расидæн æттаг æмахастыты комитетæн Гуырдзыстоны парламенты сæрдар Папуашвили Шалва бавдыста.

Фидиуæны ис фыст, цæмæй афтæ хуынæг «Хæларадон акт» Гуырдзыстоны, гуырдзиаг адæмы æмæ бæстæйы хицауады æрдæм знаггадгæнæг уд æвдисы æмæ афтæ дæр бирæнымæц фактон рæдыдтытæ æмæ логикон ныхмæвæрддзинæдтæ ис.

Уымæй уæлдай ма, фидиуæны ис фыст, цæмæй Гуырдзыстоны парламент цæттæдзинад сиды АИШ-ы конгрессимæ æмкуыст кæна алы уыцы фарстайы фæдыл, кæцытæ гæнæн ис ахъаз кæной Гуырдзыстон æмæ АИШ-ы æхсæн æмахастыты фæхуыздæр кæнынæн.

«Афтæ хуынæг «MEGOBARI акты» бындуриуæг кæны æртæ сæйраг мæнг аххосагыл: а) Гуырдзыстоны ис нысаниуæгджын демокративон фæстæмæздæхт;

б) нысан цæуы Гуырдзыстоны хицауады æрдыгæй евроатлантикон интеграцийы æрæхгæд;

в) Гуырдзыстон аразы æнæмбæлон бастдзинæдтæ «Уæрæсе, Китай æмæ æндæр авторитарон режимтимæ» (фæстæдæр бæлвырдгонд æрцыд, «æндæр авторитарон режимтæм» кæй хауы Иран)», — дзырдæуы хъусинаджы.

Фидиуæны æвдыст цæуынц аргументтæ «MEGOBARI акты»мидисы цы рæдыдтытæ æрцыд, уыдоны тыххæй.

«Гуырдзыстоны парламенты аргълæвæрдмæ гæсгæ, карз, æнæраст ахаст бæстæмæ æмæ дывæр стандарттæн гæнæн ис æрмæстдæр иу хъуыддаг расайа – «Арф Паддзахадæн» йæ бон нæ уыд Гуырдзыстонæн ныххатыр кæнын, «Deep State»-ы минæвар хицауады бæрзонд бæрнонтимæ фембæлдты рæстæджы «дыккаг фронт байгом кæныны» домæн кæй нæ сæххæст кодта, уый тыххæй.

Гуырдзыстоны парламент ныфс æвæры, цæмæй Америкæйы Иугонд Штатты ног администраци æнтыстджынæй фæлæмæгъдæр кæндзæн «Deep State» цæй фæстиуæгæн АИШ-ы Конгресс йæ раздæры кад æмæ ном сног кæндзæн, кæцы 200 азæй фылдæр архайды фæстиуæгæн бакуыста.

«Гуырдзыстоны парламент цæттæдзинад сиды АИШ-ы конгрессимæ æмкуыст кæна алы фарстайы фæдыл, кæцытæ гæнæн ис ахъаз кæной Гуырдзыстон æмæ АИШ-ы æхсæн ахастыты фæхуыздæрæн» -ис фыст Гуырдзыстоны парламенты бацæттæгонд расидæны.