Гуырдзыстоны хъахъхъæнынады тыхты сæрдар, инæлар-лейтенант Гиоргий Матиашвили фембæлд АИШ-ы Гуырдзыстоны националон гвардийы делегациимæ, гвардийы командæгæнæг инæлар-майор Ричард Уилсоны сæргълæудæй. Уый фæдыл информаци Гуырдзыстоны хихъахъхъæнады министрад парахат кæны.

Сæ ныхасмæ гæсгæ, фарсытæ Гуырдзыстон æмæ АИШ-ы æхсæн хихъахъхъæнады сферайы æмкуыстдзинад рæзын кæныны фарстатыл бакастысты.

«Инæлар-лейтенант Гиоргий Матиашвили бузныг загъта инæлар-майор Ричард Уилсонæн АИШ-ы æрдыгæй лæвæрд практикон æххуысы тыххæй.Ныхас баххæсыд программæмæ «Паддзахадты æхсæн партнердзинад», афтæ дæр гуырдзиаг æмæ америкаг æфсæддон службæгæнджыты хайадист бирæнацион ахуырты.

АИШ-ы Гуырдзыстоны националон гвардийы делегаци, кæцы Гуырдзыстоны хихъахъæнады тыхты националон гварди æмæ АИШ-ы Гуырдзыстоны националон гвардийы æхсæн æмгуыстады 30 азы сæрмæ Тбилисы ис, афтæ дæр националон гвардийы хистæр, бригадир инæлар Роман Джохадзе фысым кодта. Фембæлдыл банысан кодтой Гуырдзыстон æмæ АИШ-ы Гуырдзыстоны националон гвардийы рагон æнтыстджын æмкуыстдзинад. Америкаг фарс афтæ дæр бабæрæг кодта Националон гвардийы дæлхайæдтæ.

Абон Хъахъхъæнынады министрады «Æфсады залы» Хъахъхъæнынады атташе, инæлар Иосиф Бильбо æмæ подполковник Эрол Мунирæн уагъд æрцыд хорзæхджын æмæ хæрзбон зæгъыны церемони. Церемонийы хайад истой хихъахъхъæнады министры хæдивæг Григол Гиоргадзе, хихъахъхъæнады тыхты сæрдар, инæлар-лейтенант Гиоргий Матиашвили æмæ АИШ-ы минæвар Гуырдзыстоны Робин Даниган», – ис фыст Гуырдзыстоны хихъахъхъæнады министрады расидæны.