АИШ-ы мидæггагон æдасдзинады департамент ныммыхуыр кодта фæсарæйнæгты номхыгъд, кæцытæ æндæр æмæ æндæр фыдракæндты тыххæй ахст сты, кæцыйы ном хуыйны «Æвзæрдæр фыдракæндтæй». Сæ æхсæн ис Гуырдзыстоны дыууæ æмбæстаг, кæцытæ марихуанæ уæй кæныны æмæ наркотиктæ дарыны тыххæй тæрхонгонд æрцыдысты.

Ацы электрон базæмæ хауынц фæсарæйнæгтæ, кæцыты иммиграцион службæ фæстаг 11 мæйы дæргъы ахста. Се ‘хсæн сæйраджыдæр сты Латинаг Америкæйы бæстæты æмбæстæгтæ. Номхыгъды ис Украинæйы 27 æмбæстаг, Сомихыстоны 22, Азербайджаны æртæ, Уæрæсейы 18 æмæ Белорусы дыууæ æмбæстаг.

Номхыгъдмæ хауынц Евроцæдисы уæнг бæстæты æмбæстæгтæ дæр. Уыдонæй сеппæтæй фылдæр, 85 сты румынæгтæ. Ис ма дзы Францы, Польшæйы, Португалийы, Испанийы, Германийы æмæ Грецийы æмбæстæгтæ.