Инфекцион  патологийы  æмæ АИДы центры генералон  директор Тенгиз Церцвадзейы фидиуæнæй,   Гуырдзыстоны ныхас цæуы  дыууæ вакцинæ  балхæдыл, сæ нымæцы иу у  китайаг  вакцина.

Церцвадзе  «формулайæн» куыд  загъта афтæмæ,  дунейы зæгъгæ китайаг  вакцинæйæн  тынг бæрзонд рейтинг ис.

«Дзырдæуы  дыууæ вакцинæ æрбаласыныл –  «Астразенекайы» æмæ  иннæ та  китайаг вакцинæ у.  Китайæн ис  фондз вакцинæ æмæ уыдонæй  сæ иуы  тыххæй  цæуы уынаффæ.  Фæнды зæгъын уын, цæмæй  дунйеы  китайаг вакцинæйы рейтинг  бæрзонд у. Æууæнк  йыл ис.  Æндæр куы ницы, уæд  ацы инфекци  уым фæзындис æмæ уыдон æй зонынц  сегасдæр хуыздæр   ацы вирусы структурæ  æмæ йæ миниуджытæ.

Æппын æмæ дис нæ кæсдзæн  китайаг вакцинæ  æппæтæй хуыздæр куы  уа  уый.  Бирæ  рæстæг сын уыдис уый саразынæн.  Уый дæр фæзæгъынц, ома дам рагафон зыдтой ацы вирусы тыххæй  æмæ   рагæй  кусынц  вакцинæйыл.  Афтæмæй, ктайаг вакцинæ  æвзæр нæ уыдзæн» – хъусын кæны  Тенгиз Церцвадзе.