Гуырдзыстоны премьер-министр Ираклий Гъарибашвилийы  уынаффæйæ,  Грущевскийы  номыл  41-æм  æхсæнадон скъолайы  украинагæвзагон сектор  байгом ис.   Информаци уый фæдыл  Гуырдызстоны ахуырады  æмæ  зонæдты  министрад  хъусын кæны.

Уагдоны хъусинагæй,   абонæй   украинаг   ахуыргæнинæгтæн  Гуырдзыстоны  мадлон æвзагыл  ахуыры фадат уыдзæн.

«Гуырдзыстоны  Украинайы  минæварадимæ  æнгом æгуыстадæй,   равзæрстам  квалифициргонд  педагогты   алы  фадыгæн.   Уый нымæцы  сты, куыд   Украинайæ  фæстаг периоды æрцæугæ, афтæ бынæттон   украинагæвзагон  специалисттæ.  Семæ  йæхæдæг фембæлдис  ахуырады æмæ зонæдты министр  æмæ фæныхас кодта  азуыры процессимæ.  Фæнысангонд ахуыргæнджытæн   мыздтæ   Гуырдзыстоны  хицауад  сфитонг кæндзæн   националон ахуырадон планы  сахатгай  куыстмæ æмбæлгæйæ.  Гуырдзыстоны ахуырады æмæ зонæдты  министрад  украинагæвзагон  секторы  кусæг  ахуыргæнджытæн  профессион   рæзынады  дæр æххуыс кæндзæн.

Тбилисы 41-æм   æхсæнадон скъолайы  украинагæвзагон секторы ахуыры  фæндон, абоны бонмæ 130  ахуыргæнинаг  равдыста.  Сæ нымæц  æрвылбойнонæй  рæзы. Гуырдзыстоны  ахуырады æмæ зонæдты министрад, алы  ахуыргæнинагы,  ахуырмæ хъæугæ  скъолайы  чингутæй  æмæ  буктæй  сфитонг кодта.  Украинаг ахуыргæнинæгтæ, пайда кæндзысты  мобилон интернетпакеты уæлбарджын   уавæртæй  министрады æмæ  мобилон  операторты æхсæн   бафыст   контрактмæ гæсгæйæ» – дзырдæуы ахуырады æмæ  зонæдты министрады ахæлиугонд  фидиуæны.