Уæрæсе æмæ Украинæ æвæстиатæй райдайдзысты бадзырдтæ æхсты фæурæды æмæ хæсты фæурæды фæдыл, – уый фæдыл АИШ-ы президент Дональд Трамп Уæрæсейы президент Владимир Путинимæ телефонон ныхасы фæстæ социалон хызагы ныффыста.

Трамп расидтис, цæмæй бадзырды уавæртæ дыууæ фарсы æхсæн хъуамæ баныхас кæной.

“Æз ныртæккæ фæдæн дыууæсахатон ныхас Уæрæсейы президент Владимир Путинимæ. Уырны мæ, ныхас ацыд тынг хорз. ​​Уæрæсе æмæ Украинæ æвæстиатæй райдайдзысты бадзырдтæ æхсты фæурæды тыххæй æмæ, уымæй ахсджиагдæр та, хæсты кæрон. Уый уавæртæ хъуамæ æрцæуой бадзырдтæ дыууæ фарсы æхсæн, уымæн æмæ æрмæстдæр уыдон зонынц бадзырдты лыстæгдзинæдтæ, кæцытæ æндæр ничи зоны”, – загъта Дональд Трамп.

Йæ ныхасмæ гæсгæ, Путинимæ ныхасы тон æмæ уд уыд иттæг хорз.

«Афтæ куы нæ уаид, уæд æй ныртæккæ зæгъин, фæстæдæр нæ. Ацы катастрофон «тугкалд» куы фæуа, уæд Уæрæсейы фæнды АИШ-имæ уæрæхæй базар кæнын, æмæ уыимæ разы дæн». Уæрæсейæн ис стыр фадат бирæ куысты бынæттæ æмæ хъæздыгдзинад саразынæн. Йæ гæнæнтæ сты æгæрон. Украинæ гæнæн ис æмæ суа базарады сæйраг бенефициар бæстæйы сног кæныны процессы. Уæрæсе æмæ Украинæйы æхсæн бадзырдтæ æвæстиатæй райдайдзысты. Уый ныридæгæн фехъусын кодтон Украинæйы президент Владимир Зеленскийæн, Европæйы къамисы президент Урсула фон дер Лейенæн, Францы президент Эммануэль Макронæн, Италийы премьер-министр Джорджи Мелонийæн, Германийы канцлер Фридрих Мерцæн æмæ Финляндийы президент Александр Стуббсæн Путинимæ ныхасы фæстæ мæ ныхасы рæстæджы. Ватикан расидтис, цæмæй тынг цымыдис кæны бадзырдтæ ауадзынмæ. “Райдайæд процесс!” – Дональд Трамп фыссы.