АИШ-ы президент Дональд Трамп бузныг зæгъы Иранæн Ормузы донкъубал байгом кæныны тыххæй.

«Иран ныртæккæ расидтис, цæмæй Ормузы донкъубал æххæстæй гом у æмæ цæттæ у æххæст навигацимæ.Бузныг!- фыссы Дональд Трамп социалон хызагы.

Информацийæн, Ираны фæсарæн хъуыддæгты министр Аббас Арагчи расидтис, цæмæй Израиль æмæ Ливаны æхсæн æхсты фæурæды рæстæджы, Ормузы донкъубал гом уыдзæн æппæт коммерцион наутæн. Израил æмæ Ливаны æхсæн æхсты фæурæды бадзырд абон йæ тыхы бацыд æмæ дæс боны дæргъы аххæсдзæн.

Уæдмæ та Дональд Трамп расидтис, цæмæй Ираны портты блокадæ йæ тыхы баззайдзæн, цалынмæ алы фарстайы фæдыл бадзырд нæ сырæздзæн.

«Ормузы денджызы былгæрон у æххæстæй гом æмæ цæттæ у æххæст навигацимæ, фæлæ Ираны денджызон блокадæ баззайдзæн æххæст тыхы æмæ эффекты, цалынмæ нæ транзакци Ираны 100% нæ фæуыдзæн. Ацы процесс хъуамæ ацæуа тынг тагъд, уымæн æмæ фылдæр фарстатæ ныридæгæн сты бадзырдгонд. Бузныг ацы хъуыддаджы тыххæй Уæ хъусдардæн» – ныффыста Дональд Трамп.