Дунеон Банкъы æххæстгæнæг директорты совет абон сфидар кодта 372 милуан доллары финанскæнынад Транскаспийы транспортон къæлидорæн – Гуырдзыстоны æнцонвадатдзинад æмæ транспорты фæхуыздæр кæныны проектæн (TC-GATE), кæцыйы нысан у Европæ æмæ Азийы иугæнæг регионалон æмæ базарадон фæндаджы Гуырдзыстоны хайы эффективондзинад æмæ фидардзинад фæхуыздæр кæнын, фехъусын кодта Дунеон Банкъ.
Дунеон Банкъы информацийæ, проект финанс кæндзæн бæстæйы æфсæнвæндаджы уæзласæн хъомыс фæфылдæр кæнын, сæйраг фæндагон хæйтты модернизаци, æфсæнвæндагон æмæ фæндагон уагдæтты нысанмæздæхт реформæтæ, афтæмæй къæлидоры дæргъмæ инфраструктурон æнæфæразгæдзинад фæрогдæр кæндзæн.
Транспортон бастдзинæдтæ фæтыхджындæр кæнгæйæ, компанитæн, фермертæн æмæ æхсæнадæн базарадтæм бацæуын æнцондæр кæнгæйæ, æмæ логистикон хæрдзтæ фæкъаддæр кæнгæйæ, TC-GATE проект комкоммæ пайда æрхæсдзæн 900 000 фæлхасгæнæгæн æмæ æххуыс кæндзæн куысты бынæттæ саразынæн логистикæйы, транспорты, агробизнесы æмæ æнгæс лæггæдты къæлидоры.
Дунеон Банчы информацийæ, масштабон TC-GATE проекты иумæйаг аргъ у 750 милуан АИШ долларæй фылдæр, 372 милуан АИШ доллары финансгонд цæуы Дунеон Банчы къордæй, иннæ хай та æмфинансгонд у Азийы Инфраструктурæйы Инвестицион Банкъ (AIIB) æмæ Азийы Рæзты Банкъ (ADB). Уый дзурæг у фидар бирæвæрсыг фарсылхæцындзинад куыд Гуырдзыстоны бастдзинады амбицитæн, афтæ æмткæй Транскаспийы транспортон къæлидоры рæзтæн дæр.
Дунеон банкъы информацийæ, проект TC-GATE æххуыс кæндзæн Гуырдзыстоны æфсæнвæндагон лæггæдты модернизацийæн, ног, энерги æфтиагджын электровозты финанскæнынадæй, кæцытæ раивдзысты зæронд автопарк æмæ фæтыхджындæр кæндзысты АО «Гуырдзыстоны æфсæнвæндæгты» эксплуатацион эффективондзинад, финансон æнæфæцудгæдзинад æмæ хицауиуæгад. Ацы ивддзинæдтæ фæхуыздæр кæндзысты локомотивты æнæмæнгхъæуындзинад 95% онг, фæбæрзонддæр кæндзысты лæггæдты æууæнкдзинад ласæг компанитæн æмæ фæфылдæр кæндзысты æфтиæгтæ 20%; уыдон ма ахъаз уыдзысты æфсæнвæндаджы активты цæрæнбонты дæргъы 2,3 милуан тоннæйы æппæрст æрмæг фæкъаддæр кæнынæн.
«Фæндаггон бастдзинад фæхуыздæр кæныны къуымæй, проект финанс кæндзæн Гуырдзыстоны стратегион къæлидоры æмæ Къахеты хъæууон хæдзарадон регионы автомагистралы дыууæ цыппарфæндагон хайы арæзтад,  Бадиаури-Чалаубани-Бакурцихе хайы, афтæ дæр Гурджаани-Телавийы иугæнæн фæндагыл змæлды рæстæг 43 минутæй» -ис фыст информацийы.