АИШ-ы президент Дональд Трамп æххæстгæнæн бардзырд бафыста, кæцыйы нысан у авд федералон уагдоны скуынæг кæнын. Се æхсæн ис агентад, кæцы йæ ​​цæст дары «Америкæйы хъæлæс», «Сæрибардзинады радио» æмæ æндæр АИШ-ы хицауады финансгонд медиа-фæрæзтæм æппæт дунейы. Уый фæдыл «Нью-Йорк Таймс» фыссы.

«Нью-Йорк Таймс куыд хъусын кæны, афтæмæй президенты къухфыст æххæстгæнæн бардзырд бахæс кодта уагдæтты къухдариуæггæнджытæн аиуварс кæнын æппæт функцитæ, кæцытæ закъонмæ гæсгæ не сфидар сты». Уый нымæцы кусæг къорды фæкъаддæр кæнын дæр.

«Нью-Йорк Таймс»-ы информацийæ, Трампы бардзырд хауы АИШ-ы Глобалон Медиа-Агентадмæ, кæцы «Америкæйы хъæлæс»-æй дарддæр ма «Сæрибар Европæйы радио»/Сæрибары радио æмæ «Сæрибар Азийы радио» дæр финанс кæны. Ацы организацитæн сæ бюджет у 270 милуан доллары бæрц æмæ кусынц 2000 адæймагæй фылдæр. Ацы медиа-фæрæзты нысан у æнæхин хабæрттæ æппæт дунейы парахат кæнын.

Æндæр уагдæттæм та цы хауы, кæцытæ дæр æндавынц Трампы къухфыст æххæстгæнæг бардзырдæй, уыдон сты: Федералон медиацийы æмæ бафидауыны службæ, кæцы кусы куыстæй ацух кæныны æмæ куысты быцæуты превенци æмæ æрбæстон кæныныл; Вудроу Уилсоны æхсæнадæмон центр; Музейты æмæ библиотекæты лæггæдты институт, кæцы финанс кæны æмæ æххуыс кæны музейтæн, библиотекæтæн æмæ архивтæн; АИШ-ы æхсæнведомствойон совет æнæхæдзардзинады фæдыл; Къаддæрнымæцонты бизнесы рæзынады агентад, кæцыйы нысан у къаддæрнымæцонты бизнесты фæтыхджындæр кæнын.

Трампы æххæстгæнæг бардзырдмæ гæсгæ, агентадтæ хъуамæ авд боны æмгъуыдмæ бавдисой плантæ АИШ-ы уагдонмæ æмæ бюджеты офисы директормæ, цæмæй бардзырд сæххæст уа.