Азербайджан Сомихыстоны зылынджын кæны Азербайджаны æфсæддоны позициты æрдæм æхсты, Сомихыстон та аххосæгтыл нæ сæтты
Баку Ереваны зылынджын кæны Азербайджаны æфсæддоны позициты æрдæм æхсты, Сомихыстон та аххосæгтыл нæ сæтты.
Азербайджаны хъахъхъæнынады министрады фидиуæнæй, 10 сентябры сихорафонæй 11 сентябры сæумæрайсоммæ, Сомихыстоны гарзджын тыхты хайадтæ, Горусы æмæ Хезинавары Гаракилсы районты уæвæг позицитæй, æндæр æмæ æндæр калдибры хæцæнгарзæй, æхстой Басаргечары æмæ Лачины районы уæвæг азербайджайнаг позициты æрдæм. Хъахъхъæнынады уагдоны хъусинагæй, Азербайджаны æфсады хæйттæ адекватон дзуаппон мадзæлттæ райстой.
Сомихыстоны хъахъхъæнынады министрады та хъусын кæнынц, цæмæй Азербайджан радон дезинформаци хæлиу кæны æмæ Сомихыстоны æфсæддон хайадтæ не хстой Сомихыстон-Азербайджаны арæнгæрон уæвæг азербайджайнаг позициты æрдæм.
Сомихыстоны хъахъхъæнынады уагдоны информацийæ, Сомихыстон-Азербайджаны арæныл уавæр абаргæйæ стабилон у æмæ Сомихыстоны гарзджын тыхты контролы бын ис.