Китай нæ райста АИШ-ы ультиматум, дарддæр кæндзæн Уæрæсейæ нефты балхæд – фыссы «Ассошиэйтед Пресс».

Публикацийы ис фыст, цæмæй АИШ æмæ Китайæн гæнæн ис бирæ æнæразыдзинад аскуыддзаг кæной æмæ базарадон бадзырд саразой, кæцы карз тарифтæй хи бахиздзæн, кæд æмæ иу фарстайы фæдыл дыууæ фарс нырма дæр дард сты бадзырдæй.

Ассошиэйтед Пресс куыд фыссы, афтæмæй Вашингтоны æркуырд у, цæмæй Пекин Иран æмæ Уæрæсейæ нефт æлхæнын мауал кæна.

“Китай кæддæриддæр ифтонг кæндзæн йæ энергетикон æдасдзинад националон интерестыл бындурæвæрдæй. Тых æмæ æндæвдад нæ рауайдзæн. Китай фидарæй хъахъхъæндзæн йæ суверенитет, æдасдзинад æмæ рæзты интерестæ”, – дзырдæуы расидæны, кæцыйы рапарахат кодта Китайы Фæсарæйнаг хъуыддæгты министрад Стокгольмы дыууæ боны дæргъы базарадон бадзырдты фæстæ.

Публикацийы информацийæ, АИШ хъавы Уæрæсе æмæ Ираны æрдыгæй нефты реализаци фæкъаддæр кæнын, цæмæй сæ гарзджын тыхтæн финанскæнынад фæкъаддæр уа.