Volodimir Zelenski - NATO-nun baş katibi ilə danışdım, Ukrayna üçün raket əleyhinə güclü müdafiə sisteminin vacibliyini vurğuladım

13:46, 28.06.2022

Ukrayna prezidenti ölkənin raket əleyhinə güclü müdafiə sisteminə ehtiyacı olduğunu bildirir. Bu barədə Volodimir Zelenski rəsmi Tvitter səhifəsində bəyanat yayır.

Zelenski, Madriddə NATO sammiti başlamazdan əvvəl NATO-nun baş katibi ilə telefonla danışdığını qeyd edib.

“NATO-nun baş katibi Yens Stoltenberqlə telefonda danışdım. Madrid sammitindən əvvəl mövqeləri razılaşdırdıq. Rusiya tərəfindən törədilən terror aktlarının qarşısının alınması üçün raket əleyhinə güclü müdafiə sisteminin vacibliyini vurğuladım”-deyə Volodimir Zelenski yazır.

NATO sammiti Madriddə bu gün başlayır. Alyansın liderləri Ukraynada gedən hazırkı müharibə şəraitində ilk dəfə bir araya gəlirlər.

Müəllif - Sevinj Mustafaeva

Dünya