Qırğızıstanın paytaxtı Bişkekdə keçmiş Sovet İttifaqı respublikaları qrupunun, Müstəqil Dövlətlər Birliyinin sammiti keçirilib.

Qırğızıstan Prezidenti Sadir Japarovun sədrliyi ilə keçirilən iclasda Rusiya, Azərbaycan, Belarus, Qazaxıstan, Tacikistan, Türkmənistan və Özbəkistan prezidentləri iştirak ediblər. Bundan başqa, Ermənistanın Baş naziri Nikol Paşinyan sammitdə olmayıb.

Rusiya Prezidenti Vladimir Putin sammitdə Moskvanın Ermənistan və Azərbaycana sülh sazişinin imzalanmasında kömək etməyə hazır olduğunu bildirib və danışıqların Moskvada keçirilməsini təklif edib.

“Bu uzun münaqişəyə nəhayət son qoymaq üçün sülh müqaviləsinin hazırlanması gündəmdədir. Biz, Rusiya tərəfdən, tərəfdaşlarımıza ehtiyac duyduqları qlobal yardımı göstərməyə tamamilə hazırıq. Xüsusən, biz lazım gələrsə, istənilən formatda danışıqlara Moskvada başlamaq haqqında razılaşdıq”- Putin bildirib.

Rusiya Prezidenti Vladimir Putin Beynəlxalq Cinayət Məhkəməsinin mart ayında onun barəsində həbs qərarı çıxarmasından sonra ilk dəfə Mərkəzi Asiya ölkəsinə səfər edib. Xatırladaq ki, Qırğızıstan Beynəlxalq Cinayət Məhkəməsinin üzvü deyil.