Avropa çempionatı ilə əlaqədar Gürcüstan hökuməti Almaniya istiqamətində çarter və müntəzəm reysləri subsidiyalaşdıracaq – bu haqda Gürcüstanın Baş naziri İrakli Kobaxidze hökumətin bugünkü iclasında açıqlayıb.

“Bildiyiniz kimi, Almaniyada keçiriləcək Avropa çempionatında iştirak üçün nəzərdə tutulmuş reyslərlə əlaqədar aviabiletlərin subsidiyalaşdırılmasından danışırdıq. İyulun 18, 22, 26-da Gürcüstan millisinin müvafiq yarımqrupda oyunları keçiriləcək. Bu matçlarda mümkün qədər çox gürcü azarkeşin iştirakı olduqca vacibdir.

Bunun üçün səyahətin sadələşdirilməsi və ucuzlaşdırılması vacibdir. Müvafiq olaraq, biz artıq tədbirlər görmüşük və çarter reysləri subsidiyalaşdırılır, subsidiya ilə təyin edilir, eləcə də bir sıra müntəzəm reysləri subsidiyalaşdırırıq.

Bu uçuşlar oyunların tarixlərinə uyğunlaşdırılacaq. Almaniyaya, Almaniyanın Dortmund, Hamburq, Köln və Düsseldorf şəhərlərinə birbaşa uçuşlar təmin ediləcək. Ümumilikdə üç min azarkeş subsidiyalaşdırılmış bilet əldə etmək imkanına  malik olacaq. Tbilisi Beynəlxalq Hava Limanından təxminən iki min, Kutaisi Beynəlxalq Hava Limanından isə minə yaxın azarkeş üçün birbaşa uçuşlar təmin ediləcək. Subsidiyalaşdırılmış birtərəfli bilet 195 avro olacaq, müvafiq olaraq ikitərəfli bilet 390 avro olacaq. Azarkeş öz səyahət cədvəlini qurmaq, biletləri öz cədvəlinə uyğunlaşdırmaq imkanına malik olacaq. O, bir, iki və ya üç matçda iştirak edə bilər, çevikliyə malik olacaq və uyğun biletlər alacaq. Bu biletləri futbol matçına bilet almış Gürcüstan vətəndaşları ala biləcəklər. Aviabiletləri alarkən müvafiq matçın bileti təqdim edilməlidir. Biletləri həftənin sonuna qədər satışa çıxaracağıq” – Kobaxidze açıqlayıb.