2006-cı ildə rus jurnalist Ana Politkovskayanın qətli ilə əlaqədar mühakimə olunanlardan biri Ukraynada döyüşlərdən sonra Vladimir Putin tərəfindən əfv edilib.

Keçmiş Moskva polisi Serqey Xacikurbanov 2014-cü ildə keçirilən məhkəmə prosesində 20 il müddətinə azadlıqdan məhrum edilib. Onun vəkili Aleksey Mixalçik bildirib ki, məhkum 6 aylıq hərbi müqaviləsini başa vurduqdan sonra indi prezident tərəfindən əfv olunub. O, cinayətlə bağlı mühakimə olunan beş nəfərdən biri olub. Xacikurbanov qatilə maddi-texniki yardım göstərməkdə təqsirli bilinib.

Araşdırmaçı reportyor və Rusiyanın Çeçenistandakı müharibəsinin fəal tənqidçisi Ana Politkovskaya yaşadığı binanın liftində güllələnib. Onun “Novaya qazeta” üçün reportajı Rusiyanın Çeçenistandakı zorakılığını araşdırdığına görə beynəlxalq səviyyədə tanınıb.