14 yaşlı qızın qətli işində cinayəti xəbər verməmək ittihamı ilə həbs olunan əmi və əmi oğlu təqsirli olduqlarını etiraf ediblər.

Bu barədə vəkil Archil Dvalişvili məlumat verib.

“Onlar irəli sürülən ittihamları etiraf edirlər. İttiham 376-cı maddənin birinci hissəsi ilə nəzərdə tutulur. Onlara cinayətin xəbər verilməməsi ilə bağlı iş açılıb. Təbii ki, azyaşlının öldüyü məlum idi, ona görə də ittiham hissəsində bunu etiraf edirlər. Yəqin ki, məhkəmə prosesi sabaha təyin olunacaq”, – deyə vəkil bildirib.

Kaxetidə 14 yaşlı qızın qətlində təqsirləndirilən şəxsin əmisi və əmisi oğlu oktyabrın 13-də cinayət barədə məlumat verməmək ittihamı ilə həbs edilib.

Agentliyin məlumatına görə, cinayət yeddi ilədək azadlıqdan məhrumetmə ilə cəzalandırılır.

“İstintaqda müəyyən edilib ki, qətldə təqsirləndirilən şəxs evlənmək məqsədi ilə 2009-cu il təvəllüdlü A.S.-nin azadlığına qanunsuz mane olub və onu adıçəkilən cinayətdən buradaca xəbər tutan əmisi A.A.-nın Saqareco bələdiyyəsindəki evinə gətirib. İş üzrə aparılan istintaq-əməliyyat tədbirləri ilə A.A.-nın oğlu B.Ə.-yə həmin cinayət məlum olsa da cinayətlə bağlı polisə məlumat vermədiyi müəyyən edilib”, – deyə Daxili İşlər Nazirliyindən bildirilib.