Gecə saatlarında Ukraynanın bir sıra regionlarında hava hücumu xəbərdarlığı ilə bağlı həyəcan siqnalı işə salınıb . Ukrayna KİV Rusiyanın bir neçə istiqamətdə hücum həyata keçirdiyinə dair məlumat yayır.

Ukraynalı əsgərlər Donetsk yaxınlığında 25-dən çox hücumu dəf ediblər. Gecə boyunca Ukrayna Rusiyadan havaya qaldırılmış beş “Şahed” PUA-dan dördünü vura bilib.

“Son 24 saat ərzində 69 hərbi toqquşma olub. Ümumilikdə düşmən iki raket və 26 hava zərbəsi endirib. Qoşunlarımızın mövqelərinə və yaşayış məntəqələrinə çoxsaylı raket sistemlərindən 62 hücum həyata keçirilib”-deyə Ukrayna Silahlı Qüvvələrinin Baş Qərargahının bəyanatında deyilir.

Eyni zamanda, Ukraynanın Müdafiə Qüvvələri Melitopol istiqamətində hücum əməliyyatlarını davam etdirir, işğalçı qüvvələrə canlı qüvvə və texnika baxımından itki yaşadır.