Leila Mesxi Tennis Akademiyasında iyulun 22-dən 29-dək keçirilən “Leila Meskhi Cup 2023” tennis turniri başa çatıb.

Yarış 18 yaşadək qızlar və oğlanlar arasında həm tək, həm də cütlükdə keçirilib. Təşkilatçıların dəvəti ilə Tbilisidə 20 ölkədən 120 idmançı olub. Qızların finalında Gürcüstan təmsilçisi Natali Caiani gərgin mübarizədə belaruslu Yuliana Qrabovetsə məğlub olub.

Turnirin direktoru Leila Mesxi qalibləri mükafatlandırıb.

“Bu turnir bizim üçün çox vacibdir, çünki gürcü uşaqlarının əcnəbilərlə oynamaq təcrübəsi qazanmaq üçün yaxşı imkanları var. Nə qədər belə turnirlər keçirsək, uşaqlarımızın səviyyəsi bir o qədər yüksək olar. Bütün turniri çox yüksək səviyyədə keçirən və yalnız finalı buraxan, lakin qalibə qarşı çox müqavimət göstərən Natali Caianini təbrik etmək istərdim”, – turnirin direktoru Leila Mesxi Gürcüstanın Birinci Kanalına bildirib.