Gürcüstan Daxili İşlər Nazirliyinin Tbilisi Polis İdarəsinin əməkdaşları həyata keçirilmiş əməliyyat-istintaq tədbirləri və istintaq hərəkətləri nəticəsində, qəsdən adam öldürmə və ağırlaşdırıcı hallarda qəsdən adam öldürməyə cəhd ittihamı ilə 2003-cü il təvəllüdlü B.K.-ni və xüsusilə ağır cinayət barədə məlumat vermədiyi üçün 2001-ci il təvəllüdlü A.K-nı saxlayıblar. Bu barədə Daxili İşlər Nazirliyi məlumat yayır.

Qurumun məlumatına görə, cinayətlər 7 ildən 15 ilə qədər azadlıqdan məhrumetməni nəzərdə tutur.

“İstintaq nəticəsində cari ilin aprelin 12-də Tbilisidə, Ortachala küçəsində bir neçə şəxs arasında yaşanmış mübahisə zəminində baş verən fiziki qarşıdurma zamanı, təqsirləndirilən B.K.-nin 1989-cu il təvəllüdlü D.M. və 1988-ci il təvəllüdlü A.M.-ə soyuq silahla xəsarət yetirdiyi müəyyən edilib. Aldığı bədən xəsarətləri nəticəsində D.M. xəstəxanaya çatdırılana qədər dünyasını dəyişib, A.M.-in üzərində isə təcili əməliyyat həyata keçirilib.

İnsidentdə iştirak edən A.K. qətl və xəsarət yetirmə faktının şahidi olub, lakin cinayət barədə polisə məlumat verməyib.

Hüquq-mühafizə orqanlarının əməkdaşlarının həyata keçirdikləri istintaq tədbirləri nəticəsində B.K. və A.K. “isti izlərlə” saxlanılıb.

Gürcüstan Cinayət Məcəlləsinin 108 və 19-109-cu maddələri və ağırlaşdırıcı hallarda qəsdən adam öldürməyə cəhd və qəsdən adam öldürmə və xüsusilə ağır cinayət haqqında məlumat verməməyi nəzərdə tutan Gürcüstan Cinayət Məcəlləsinin 376-cı maddəsinin 2-ci hissəsi ilə istintaq aparılır” – deyə DİN-nin məlumatında qeyd olunub.