Tbilisinin “Dinamo” su polosu komandası Çempionlar Liqasının 2021-22 il üzrə son oyununu keçirib. “Dinamo” Yunanıstanın “Olimpiakos”-unu qəbul edib və 14:13 hesabı ilə məğlub edib.

Yunanıstan klubu görüşün favoriti olub. Komandanın tərkibində Tokio 2020-nin gümüş medalını qazanmış doqquz su poloçusu oynayırdı, lakin “Dinamo” oyuna ilk başdan yaxşı başladı, 3:0 irəliyə keçdi və rəqibə güzəştə getməyəcəyini göstərdi.

İkinci hissədə oyunu yaxşılaşdıran “Olimpiakos” hesabı bərabərləşdirməyi bacardı və son saniyəyə qədər başa-baş mübarizə getdi.

Həlledici məqamda “Dinamo”-nun oyunçuları yüksək səviyyədə oynayaraq, 14:13 hesabı ilə irəliyə keçdikdən sonra özlərini yaxşı müdafiə etdilər və mövsümün ikinci qələbəsini qazandılar.

“Dinamo” bu görüşlə Çempionlar Liqasının qrup mərhələsini başa vurdu. Səkkiz komandadan ibarət qrupdan ən yaxşı kvartet növbəti mərhələyə yüksəldi. Tbilisi komandası iki qələbə qazanaraq səkkizinci yeri tutdu. “Breşiya” (İtaliya), “Ferentsvaro” (Macarıstan), “Barselona” (İspaniya) və “Novi Belqrad” (Serbiya) pley-offda oynayacaq.