Daxili İşlər Nazirliyinin Şida Kartli Polis İdarəsinin əməkdaşları həyata keçirdikləri əməliyyat tədbirləri və istintaq hərəkətləri nəticəsində 1956-cı il təvəllüdlü İ.A.-ni qəsdən adam öldürmə ittihamı ilə saxlayıblar. Məlumatı Daxili İşlər Nazirliyi yayır.

“İstintaqla müəyyən edilib ki, təqsirləndirilən şəxs Qori Munisipalitetinin kəndlərindən birində baltadan istifadə edərək oğluna – 1984-cü il təvəllüdlü K.A.-ya ölümcül xəsarət yetirib.

Hüquq-mühafizə orqanlarının əməkdaşlarının həyata keçirdikləri istintaq tədbirləri nəticəsində təqsirləndirilən şəxs “isti izlər”lə saxlanıb. Polis cinayətin törədildiyi silahı sübut kimi götürüb.

Qəsdən adam öldürmə faktı ilə bağlı Gürcüstan Cinayət Məcəlləsinin 108-ci maddəsi ilə istintaq davam etdirilir. Cinayət 10 ildən 15 ilədək müddətə həbs cəzasını nəzərdə tutur” -deyə Daxili İşlər Nazirliyinin məlumatında qeyd olunur.