Rusiyanın müdafiə naziri Serqey Şoyqu “Vaqner” özəl hərbi şirkətinin Rusiyada dövlət çevrilişi cəhdinə ilk dəfə münasibət bildirib. Rusiyanın “ITAR-TASS” dövlət agentliyinin yazdığı üzrə Şoyqu hesab edir ki, üsyan ilk növbədə Rusiya Silahlı Qüvvələrinin nümayəndələrinin andına sadiq qalması səbəbindən uğursuzluğa düçar olub.

Rusiya Müdafiə Agentliyinin rəhbəri bildirir ki, “təxribat Ukraynada yerləşən hərbi qrupların hərəkətlərinə təsir etməyib”.

“Hərbi xidmətçilər cəsarətlə və fədakarlıqla onlara tapşırılan vəzifələri yerinə yetirdilər”- deyə Serqey Şoyqu açıqlayıb.

Xatırladaq ki, üsyana cəhd Rusiyada iyunun 23-25-də baş verib. “Vaqner” özəl hərbi şirkətinin rəhbəri Yevqeni Priqojin dırnaq arası “Ədalət marşı” ilə Rusiyada hərbi rəhbərliyi devirməyi planlaşdırırdı. Nəhayət, o, Aleksandr Lukaşenkonun vasitəçiliyi ilə müqavilə imzaladı, buna əsasən Priqojin Minskdə sığınacaq aldı və üsyanda iştirak etməyən “Vaqner” döyüşçüləri Rusiya Müdafiə Nazirliyi ilə müqavilə bağlaya biləcəklər.