Oktyabrın 21-də “Mançester Yunayted”in və İngiltərə millisinin əfsanəsi Ser Bobbi Çarlton 86 yaşında vəfat edib.

Əfsanəvi yarımmüdafiəçi 1958-ci ildə Münhen hava qəzasından sağ çıxdı və bundan sonra “Yunayted”ə üç dəfə İngiltərə çempionatının qalibi olmaqda kömək etdi. Bundan əlavə, o, Mançester klubu ilə kapitan olaraq Çempionlar Kubokunu qazanıb. Bobbi Çarlton 1973-2017-ci illərdə “Mançester Yunayted”in bombardiri olub. Onun rekordu Ueyn Runi tərəfindən qırılıb.

Ümumilikdə o, “Yunayted”in heyətində 758 oyun keçirib və 249 qol vurub.

Ser Bobbi Çarlton 1966-cı ildə İngiltərədə dünya çempionu oldu. O, 47 il ərzində (1968-2015) vurduğu qolların sayına görə (49) milli komandanın rekordunu saxlayıb. Daha sonra onu Ueyn Runi və Harri Keyn qabaqlayıb.

1994-cü ildə Bobbi Çarlton İngiltərə kraliçası tərəfindən cəngavər kimi elan olundu.

2023-cü ilin iyulunda ispaniyalı Luis Suaresin ölümündən sonra Çarlton Qızıl topun yaşayan ən yaşlı qalibi olub. O, bu mükafatı 1966-cı ildə qazanıb.