Mövsümi qripə qarşı peyvəndləmə artıq bütün Gürcüstan miqyasında aparılır. Səhiyyə Nazirliyinin məlumatına görə, SANOFI PASTEUR şirkətinin istehsalı olan vaksinləri dövlət artıq alıb.

Dövlət tərəfindən qrip əleyhinə təmənnasız peyvənd olunacaq vətəndaşlar :

Spesifik xroniki pozuntuları olan insanlardan: diabetdən əziyyət çəkən şəxslər; Dializdə olan şəxslər; Hepatit C-dən əziyyət çəkən şəxslər (yalnız müalicə olunanlar); HİV / QİÇS infeksiyasından əziyyət çəkən insanlar; Orqan transplantasiyası və mukovissidoz xəstəliyi olan şəxslər.
Digər prioritet qruplar aşağıdakılardır: uşaq (kiçik ailə tipi daxil olmaqla) və qocalar evlərinin sakinləri və onlara qayğı göstərən işçilər; Hamilə qadınlar; 60 yaş və yuxarı yaş qrupundan olan insanlar ; Ümumi təhsil müəssisələrinin (məktəblərin) müəllimləri; Xəstəliklərə Nəzarət və İctimai Sağlamlıq Milli Mərkəzinin əməkdaşları.

Bundan əlavə, məcburi peyvənd edilməli olan şəxslər aşağıdakılar olaraq müəyyən olunub: tibb işçiləri, eləcə də tibb müəssisələrində çalışan xəstələrlə birbaşa təmasda olan digər işçilər; Quşlarla işləyən heyət; Heyvandarlıq sahəsində olan / fermalarda çalışan işçilər , ovçular; Baytarlar, Erkən məktəbəqədər təhsil müəssisələrinin və təhsil müəssisələrinin xidmət kontingenti; Beynəlxalq sülhməramlı missiyalarda olan hərbi qulluqçular; Məcburi hərbi xidmətin hərbi xidmətçiləri; Penitensiar müəssisədə çalışan işçilər.

Qrip peyvəndi standart olaraq immunlaşdırma prosesini aparan istənilən klinikada əlçatandır.

Dörd komponentli SANOFI PASTEUR istehsalı qrip əleyhinə peyvəndin 200 min dozası ölkə miqyasında mərhələli şəkildə bölünəcək.

Qripə qarşı peyvəndləmə 2021-ci ilin oktyabrın 8-də başlayıb.