Avropa Gününüz mübarək, Gürcüstanın tezliklə dəyərlərin vəhdəti ilə yaranmış ittifaqa qoşulacağına inanıram- bu haqda Gürcüstanın Parlamentinin sədri Şalva Papuaşvili sosial şəbəkədə yazır.

Parlamentin sədrinin qeyd etdiyi kimi, Avropanın birliyi suveren ölkələrin ittifaqına əsaslanır, çünki şəri məğlub etmək gücünə məhz müstəqil dövlətlər birliyi malikdir.

“İkinci Dünya Müharibəsinin dağıdıcı antiinsani nəticələri Avropanın birləşməsi ideyasına ilham verdi, tarixin sərt dərsi sülh üçün və yeni müharibələrin qarşısını almaq üçün Avropanın aparıcı ölkələrinə birliyin zəruriliyini diktə etdi. Hazırda Avropa İttifaqı məqsədi sülhü və Avropa xalqının rifahını təmin etmək olan 27 ölkəni birləşdirir. Avropanın birliyi suveren ölkələrin ittifaqına əsaslanır, çünki şəri məğlub etmək gücünə məhz müstəqil dövlətlər birliyi malikdir. Avropa Gününüz mübarək. Gürcüstanın tezliklə dəyərlərin vəhdəti ilə yaranmış, hər bir ölkənin öz kimliyi və tarixi təcrübəsi ilə Avropanın sülh və tərəqqisinə töhfə verəcəyi ittifaqa qoşulacağına inanıram” – deyə parlamentin sədri yazır.