Salome Zurabişvili aprelin 13-14-də “Ana Dili gününü” qeyd etmək üçün Samtsxe-Cavaxeti regionuna gedəcək.

Gürcüstan prezidentinin administrasiyasının məlumatına görə, prezident Axalkalakidə gürcü əlifbası panelini təntənəli şəkildə açacaq və yerli əhaliyə nitqlə müraciət edəcək.

Həmçinin, “Ana Dili günü” ilə bağlı, Salome Zurabişvili Zurab Jvania adına Dövlət Administrasiyası məktəbinin müvəffəqiyyəli tələbələrini mükafatlandıracaq və müsabiqədə qalib gələn məktəb şagirdlərini elan edəcək.

Gürcüstan prezidenti regionların gücləndirilməsi və gürcü məhsullarının istehsalını dəstəkləmək məqsədi ilə, Samtsxe-Cavaxetidə işləyən şirkətləri yoxlayacaq və “Gürcüstanda istehsal et” adlı dövlət proqramına qoşulan istehsalçılarla görüşəcək.

Salome Zurabişvili yerli əhali ilə də görüş keçirəcək.