Gürcüstanın 21 yaşadək futbolçulardan ibarət milli komandasının futbolçuları Şimali Makedoniya ilə oyunu dəyərləndirib və qrupdan çıxmaq ümidlərini bildiriblər.

Skopyedə keçirilən Avropa çempionatının seçmə raundunun qrup mərhələsində Ramaz Svanadzenin komandası “Qaqri”nin və gənclərdən ibarət komandanın sol müdafiəçisi Saba Mamatsaşvilinin təsirli qolu ilə meydan sahiblərinə qalib gəlib.

Saba Xvadaqiani, gənclər komandasının kapitanı – “Çətin oyun oldu, amma oğlanlar çox çalışdılar və sona qədər mübarizə apardılar ki, bizə üç xal qazandırdsınlar – buna görə futbolçulara və komanda məşqçilərinə təşəkkür etmək istəyirəm”.

Saba Mamatsaşvili, gənclərdən ibarət komandanın müdafiəçisi – “Gərgin oyun oldu, lakin bu görüşdə qalib gəlmək üçün əlimizdən gələni etdik. Komandama üç xal qazandırmaqda kömək etdiyimə görə şadam”.

Beş görüşdən sonra Gürcüstanın gənclərdən ibarət komandası 10 xalla qrupda ikinci yerdədir. Qrupun digər oyunları noyabrın 20 və 21-də baş tutacaq, İsveç Hollandiyanı, Moldova isə Kişinyovda Cəbəllütariqlə qarşılaşacaq.

Gürcüstanın gənclərdən ibarət milli komandası növbəti oyununu martın 26-da Cəbəllütariqlə qonaq olaraq keçirəcək.