Rusiya Avropada Adi Silahlı Qüvvələr haqqında Müqavilədən çıxdı. Bu barədə Rusiya Xarici İşlər Nazirliyi məlumat yayıb.

Sözügedən saziş hərbi texnika, o cümlədən tanklar, artilleriya, helikopter  və təyyarələrə kvota qoyub.

Rusiya Xarici İşlər Nazirliyindən açıqlandığı üzrə, Avropada Adi Silahlı Qüvvələr haqqında Müqavilədən çıxdıqdan sonra Ukraynaya təhlükəsizlik zəmanəti verən 1990-cı ilin Budapeşt memorandumu Moskva üçün öz qüvvəsini itirir.

Avropada Adi Silahlı Qüvvələr haqqında Müqavilə 1990-cı il noyabrın 19-da NATO-nun 16 üzvü və Varşava Müqaviləsi Təşkilatının altı ölkəsi arasında imzalanıb.

Rusiya bu sazişi 1992-ci ildə ratifikasiya edib, 2007-ci ilin iyulunda isə fəaliyyətini dayandırıb. Rusiya Xarici İşlər Nazirliyinin bəyanatına görə, razılaşmanın dayandırılması Putinin Münhen Təhlükəsizlik Konfransındakı çıxışına uyğun olaraq baş verib. 2007-ci ildə Rusiya Prezidenti öz çıxışında ABŞ-ı və birqütblü dünya modelini sərt şəkildə tənqid etdi, bu da Rusiyanın xarici siyasət kursunda ciddi dəyişikliklər üçün ilkin şərt oldu.