Son hadisələrə baxmayaraq, Avropa İttifaqı ilə əlaqəni qoruyub saxlamaq həqiqətən vacibdir. Bu gürcü xalqına mesajdır – bu haqda Rumıniyanın xarici işlər naziri Luminita Odobesku Lüksemburqda Avropa İttifaqının Xarici İşlər Şurasının iclası başlamazdan əvvəl açıqlayıb.

Jurnalistlərlə danışan Luminita Odobesku Avropa İttifaqının Xarici İşlər Şurasının gündəliyində hansı məsələlərin olduğunu qeyd edib.

“Ukraynaya qarşı Rusiyanın təcavüzü, Yaxın Şərqdə mövcud vəziyyət və Gürcüstanda son zamanda inkişaf etmiş hadisələr Avropa İttifaqının Xarici İşlər Şurasının gündəliyindədir. Son hadisələrə baxmayaraq, Avropa İttifaqı ilə əlaqəni qoruyub saxlamaq həqiqətən vacibdir, bu gürcü xalqına mesajdır”- Rumıniyanın xarici işlər naziri bildirib.