Andrey Sibiqa – Prezident Tokayevin Putinə müharibəni dayandırmağın vaxtının çatdığı barədə çağırışını qiymətləndiririk, bu, realist, vaxtında verilmiş və ağlabatan bir mesajdır

Biz prezident Tokayevin Putinə müharibəni dayandırmağın vaxtının çatdığı barədə çağırışını qiymətləndiririk, – bu barədə Ukraynanın xarici işlər naziri Andrey Sıbiqa bildirib.

Sibiqanın qeyd etdiyi kimi, Ukrayna artıq Moskvaya müharibəni hazırkı cəbhə xətti boyunca dayandırmağı təklif edib.

“Ukrayna müharibəni hazırkı cəbhə xətti boyunca dayandırmağı və diplomatik yola keçməyi təklif edib, lakin Kreml sülhə aparan bu aydın yolu hələ də rədd edir. Putinin mətbuat katibi artıq Qazaxıstan prezidentinin bu təklifini də rədd edib”, – Sibiqa yazır.

Sibiqanın sözlərinə görə, bu, Moskvaya qarşı beynəlxalq təzyiqlərin gücləndirilməsinin zəruri olduğunu bir daha nümayiş etdirir.

Qazaxıstan prezidenti Qasım-Jomart Tokayev Omskda Rusiya prezidenti Vladimir Putinlə görüşündə bəyan edib: “Ola bilsin ki, artıq Ukrayna və Rusiya arasındakı münaqişəni dondurmağın və “İstanbul 2.0″ formuluna qayıtmağın vaxtı çatıb, çünki orada mühüm nəticələr əldə olunmuşdu”.