Türkiyə Ukrayna və Rusiya prezidentləri ilə dialoq qurmaq, axan qanı dayandırmaq üçün liderləri bir araya gətirmək istəyir-bu barədə Türkiyə prezidenti Rəcəb Tayyib Ərdoğan bildirib.

Ərdoğanın sözlərinə görə, söhbət zamanı hər iki ölkənin prezidentinə Türkiyənin son məqsədinin onların görüşü olduğunu deyəcək.

Ərdoğan Türkiyənin Ukraynanın təhlükəsizliyinin təminatçılarından biri kimi mümkün rolunu da vurğulayıb və bildirib ki, Ankara qarant ölkə olmağa hazırdır, lakin təfərrüatlar dəqiqləşdirilməlidir.

Ərdoğanın sözlərinə görə, Türkiyə Rusiyaya qarşı sanksiyaları dəstəkləmir, əksinə Rusiyanın hərbi addımlarına qarşı durmağa və dialoqu davam etdirməyə üstünlük verir.

” Bu dialoq təkcə Ukrayna kontekstində deyil, həm də Suriya, Liviya və Cənubi Qafqaz kimi bizimlə sıx bağları olan bir çox coğrafiyalarda mühüm və zəruridir ” – deyə Ərdoğan bildirib.