Bu gün iki dost, iki strateji tərəfdaş ölkənin liderləri bir araya gəldik və olduqca məhsuldar söhbətimiz oldu. Mən bir daha Gürcüstanın ərazi bütövlüyünü, suverenliyini və rifahı dəstəklədim, eləcə də Avro-Atlantik təsisatlara inteqrasiya yolunda davamlı dəstəyimi ifadə etdim – bu haqda Türkiyə Respublikasının Prezidenti Rəcəb Tayyib Ərdoğan Gürcüstanın Baş naziri İrakli Kobaxidze ilə birgə brifinq zamanı deyib.

Türkiyə Respublikasının Prezidenti gürcü xalqını Müstəqillik Günü münasibətilə əvvəlcədən təbrik edib.

“Hamınızı bütün qəlbimlə və hörmətlə salamlayıram. Gürcüstanın Baş naziri cənab İrakli Kobaxidzeni və onun nümayəndə heyətini Türkiyənin paytaxtı Ankarada qəbul etmək məni çox sevindirir. Mən onları sizin hüzurunuzda və iştirakınızla bir daha salamlayıram. Bildiyiniz üzrə, dünən dost ölkə Slovakiyadan məyusedici xəbər aldıq, Slovakiyanın Baş naziri cənab Robert Fitsoya qarşı dəhşətli hücum baş verib. Ona və slovak xalqına bu problemin çox tezliklə aşılmasını arzulayırıq və sülhü pozan istənilən fakta qarşı durmağa davam edəcəyik. Dost gürcü xalqını Müstəqillik Günü münasibətilə əvvəlcədən, on gün öncədən təbrik etmək istərdim və buradaca, Gürcüstanın Baş nazirini fevralda təyinatı münasibətilə təbrik etmək və ona uğurlar arzulamaq istərdim”- deyə Rəcəb Tayyib Ərdoğan açıqlayıb.