Bu gün Ekvadorun Quaiakil şəhərində gənclər arasında cüdo üzrə dünya çempionatına start verilib.

İlk gün tatami üzərində iki gürcü – Qiorqi Sardalaşvili və Tornike Maziaşvili (hər ikisi 60 kq) mübarizə aparır. Gənclər arasında hazırkı dünya çempionu Qiorqi Sardalaşvili turnirdə ilk qələbəsini fransalı Entso Ciani ilə mübarizədə qazanıb və 1/8 finala yüksəlib.

Bu gün mübarizə aparacaq ikinci gürcü idmançı Tornike Maziaşvili ilk mübarizəyə daha sonra qoşulacaq. Ümumilikdə, dünya birinciliyi uğrunda Gürcüstan millisi 13 cüdoçu ilə mübarizə aparacaq. Gənc idmançılardan doqquzu oğlan, dördü isə qızdır. Kişilərin yarışında komandamızın üzvləri beş çəki dərəcəsində mübarizə aparacaq. 66 və 100 kq-lıq çəki dərəclərində cüdoçumuz olmayacaq, dörd çəki ikilənmiş olacaq.

Xatırladaq ki, Qiorqi Sardalaşvili 2021-ci ildə Beynəlxalq Cüdo Federasiyası tərəfindən yüksələn ulduz adına layiq görülüb.