Qəzza sektorunun Xan Yunis şəhərində, Nasser Tibb Kompleksindəki kütləvi məzarlıqda 210 nəfərin cəsədi tapılıb

14:15, 22.04.2024

Qəzza sektorunun Xan Yunis şəhərində, Nasser Tibb Kompleksindəki kütləvi məzarlıqda 210 nəfərin cəsədi tapılıb. “Al Jazeera”nin yaydığı məlumata əsasən, İsrail ordusunun aprelin 7-də tərk etdiyi Xan Yunis aylardır davam edən fasiləsiz bombardmanlar nəticəsində xarabalığa çevrilib.

İsrail ordusunun Xan Yunisdəki əməliyyatı nəticəsində 500-ə yaxın insan itkin düşmüş hesab edilir.

İsrail ordusunun Qəzza sektorunun Rafah şəhərini bombalaması nəticəsində azı 24 nəfərin həlak olduğu haqda məlumat yayılır.

Oktyabrın 7-dən sonra Qəzza sektorunda qurbanların sayı 34 min nəfəri, yaralıların sayı isə 76 800 nəfəri keçib.

Müəllif - Sevinj Mustafaeva

Dünya