Gürcüstan Prokurorluğu bir nəfər barəsində 16 yaşına çatmayan şəxslə cinsi əlaqədə olmaq və intihara səbəb olmaq faktı üzrə ittiham irəli sürüb.

Prokurorluğun məlumatına əsasən, Daxili İşlər Nazirliyi tərəfindən aparılan istintaq zamanı təqsirləndirilən şəxsin Batumi şəhərində 16 yaşına çatmayan zərərçəkmiş şəxslə sistemli şəkildə cinsi əlaqədə olması müəyyən edilib. Həmçinin, o, onu sistemli şəkildə alçaltmış, sözlü formada təhqir etmiş, şərəf və ləyaqətini alçaltmışdı, bu səbəbdən də zərərçəkmiş iyunun 11-də yaşayış binasının 15-ci mərtəbəsindən özünü ataraq intihar etmişdir.

“Hüquq-mühafizə orqanlarının əməkdaşları təqsirləndirilən şəxsi iyunun 13-də saxlayıblar. O, Gürcüstan Cinayət Məcəlləsinin 2-ci hissəsinin 115-ci maddəsi, “A” bəndi və Gürcüstan Cinayət Məcəlləsinin 1-ci hissəsinin 140-cı maddəsi (yetkin bir şəxs tərəfindən, əvvəlcədən bildiyi halda 16 yaşına çatmamış bir şəxslə cinsi əlaqəyə girmə) ilə ittiham olunub.

Prokurorluq təqsirləndirilən şəxs barəsində həbs qətimkan tədbirinin tətbiqi ilə bağlı qanunla müəyyən edilmiş müddət ərzində Batumi Şəhər Məhkəməsinə müraciət edəcək. Cinayət işi üzrə istintaq davam edir”, – məlumatda deyilir.