Gürcüstan Prezidentinin Administrasiyası “TV Pirveli” tərəfindən qətldə təqsirləndirilən şəxsin guya prezident tərəfindən əfv olunması ilə bağlı yayılan məlumatı qəti şəkildə təkzib edir – bu barədə Gürcüstan prezidentinin Salome Zurabişvilinin administrasiyasının yaydığı bəyanatda deyilir.

“Əfv kimi həssas mövzuda yoxlanılmamış məlumatların yayılması ya məsuliyyətsiz və qeyri-peşəkar yanaşmanın göstəricisi ola bilər, ya da prezident institutunu və əfv mexanizmini gözdən salmaq cəhdi ola bilər.

Prezident Administrasiyası “TV Pirveli”-ni telekanalın əsas xəbərlər proqramında yaydığı məlumatları dərhal təkzib etməyə və sözü gedən bəyanatı ictimailəşdirməyə çağırır” – deyə Prezident Administrasiyasının bəyanatında deyilir.