Ukrayna Çinin neft və təbii qaz şirkətlərini Rusiyanın müharibəsinə sponsorluq etməkdə ittiham edir-bu barədə “Politico” yazır.

Nəşrin yazdığı üzrə, Ukraynanın tərtib etdiyi müharibə sponsorları siyahısına üç Çin şirkəti də əlavə edilib və Kiyev onların Rusiyaya genişmiqyaslı işğalı maliyyələşdirməyə kömək etdiklərini açıqlayır.

Ukrayna Milli Korrupsiyaya Qarşı Mübarizə Agentliyi təsdiqləyib ki, Çin Milli Offşor Neft Korporasiyası (CNOOC Group), Çinin Neft-Kimya Korporasiyası (Sinopec Group) və Çin Milli Neft Korporasiyası (CNPC) “beynəlxalq müharibənin sponsorları” siyahısındadır.

Rəsmilər bildiriblər ki, Çinin üç ən böyük dövlət neft və təbii qaz şirkəti rusiyalı həmkarları ilə aktiv şəkildə birgə layihələr həyata keçirir, “dövlətə əhəmiyyətli vergilər ödəməklə” Moskvanın hərbi və silah sənayesini maliyyələşdirməyə kömək edir.