Vizasız rejimin dayandırılması da daxil olmaqla, bütün variantları nəzərdən keçirəcəyik, lakin fikrimcə, bu baş verməməlidir, Gürcüstan vətəndaşları cəzalandırılmamalıdır- bu haqda Avropa İttifaqının Gürcüstandakı səfiri Pavel Herçinski deyib.

“Xarici təsirin şəffaflığı” qanunu ilə əlaqədar Gürcüstana qarşı mümkün sanksiyalarla bağlı Pavel Herçinkiyə sual ünvanlanıb.

O, xarici işlər nazirlərinin iyunun 24-də Lüksemburqda görüşəcəyini və qərarı müzakirə edəcəklərini bildirib.

“Avropalı liderlərin bəyan etdikləri kimi, xarici təsir qanunu qəbul edilsəydi, təəssüf ki, Avropa İttifaqı-Gürcüstan münasibətləri üçün nəticələri olacaqdı. Təəssüf ki, qanun sonda qəbul edildi. Biz 27 üzv dövlət arasında nəticələrlə bağlı daxili müzakirəyə başlamışıq. Üzv dövlətlər Avropa İttifaqının təsisatlarına nəticə olaraq tətbiq oluna biləcək müxtəlif tədbirlər menyusunu hazırlamağı tapşırdı. Avropa Komissiyasının Prezidenti Ursula fon der Laiendən bütün variantların nəzərdən keçirildiyini eşitdiniz. Bütün variantlar tam olaraq bütün variantlar mənasına gəlir. Üzv dövlətlər müxtəlif variantları nəzərdən keçirirlər. Ümid edirəm ki, iyunun 24-də xarici işlər nazirləri Lüksemburqda yenidən görüşəndə ​​hansı variantın həyata keçiriləcəyinə qərar verə biləcəklər. Həmçinin, Avropa İttifaqı Şurasının Prezidenti Şarl Mişel Avropa İttifaqının növbəti şurasının iyunun sonunda Gürcüstan məsələsini müzakirə edəcəyini bəyan etdi. Gözləyə bilərəm, əgər liderlər variantı müzakirə edirlərsə, sonra onlar qərar verəcəklər. Biz öz tərəfimizdən Gürcüstan vətəndaşlarının cəzalandırılmamasına nail olmaq istəyirik. Bütün variantlar bütün variantlar və o cümlədən vizasız rejimin dayandırılması mənasına gəlir, lakin fikrimcə, bu baş verməməlidir. Bu, mənim deyil, 27 üzv dövlətin qərarıdır”- Herçinski qeyd edib.